Талгат Канышев – Талғар қаласының тумасы, Алматы футболының түлегі. Ол «Цесна», «Алма-Ата», «Іле-Сәулет», ЦСКА, «Ақ Бұлақ» сияқты клубтардың намысын қорғаған.

Ойыншы мансабын аяқтағаннан кейін Канышев 2015 жылдың басында «Қайрат» ФК Академиясында жұмыс істей бастады. Әртүрлі жастағы командаларды жаттықтырды. Биылғы маусым оның клубымыз құрылымындағы мерейтойы.

2021 жылы Қазақстан U-17 жасөспірімдер құрамасының бапкерлер штабының құрамына кірді.

2022 жылдан бері Талгат Сергеевич бас командада бапкер-сарапшы болып жұмыс істейді. Ол тактикалық жоспарларды құруда, қарсыластардың ойынын талдауда және жаттығуға белсенді қатыса отырып, ойыншылардың тиімділігін бағалауда шешуші рөл атқарады.