Қазақстанның кәсіпқой футбол лигасы InStat компаниясының статистикалық талдауы негізінде Бірінші Лиганың 22-ші турының үздіктер құрамасын таныстырды. Оған Вячеслав Швырев кірді.
Сенбідегі «Байқоңыр» командасына қарсы «Қайрат-Жастарға» тамаша ойын көрсеткен шабуылшы Вячеслав Швырев Бірінші лиганың 22-ші турының үздік шабуылшыларының қатарына кірді.
«Швырев «Байқоңырға» қарсы матчта тек бірінші таймда ғана ойнады, бірақ бұл оған матчтың басты кейіпкерлерінің бірі болуға кедергі келтірмеді. «Қайрат-Жастардың» барлық үш голы оның тікелей қатысуымен соғылды. Алматылық форвардтың есебінде бір гол, екі көмекшілік және үш рет қарсыласты алдап өту бар. Әрекет индексі-263».
