Ресейлік қорғаушы Виктор Васин «Қайраттан» кетті. Шарт тараптардың өзара келісімі бойынша бұзылды.
Виктор командамызға 2022 жылдың басында қосылып, содан бері клубымыздың ажырамас бөлігіне айналды. «Сары-қаралар» сапында ол 68 матч өткізіп, 4 гол соқты, бірақ оның командаға қосқан үлесін сандармен айтып жеткізе алмаймыз. Ол әріптестерін шабыттандырып, бізді қиын сәттерде қолдап, ойында әрқашан 100% беріліп ойнайтын.
«Қайрат» футбол клубының үлкен ұжымы Викторға адалдығына, еңбекқорлығы мен кәсібилігіне шын жүректен алғыс айтады! Оған амандық тілей отырып, оның барлық бастамасы сәтті болсын дейміз!
