«Қайраттың» жас шабуылшысы Сэйф Попов клубтың баспасөз қызметіне берген сұхбатында өзі туралы, негізгі құрамдағы дебюті және алға қойған мақсаты туралы айтып берді.

– Сэйф, дебютің құтты болсын! 

– Рақмет! Бапкерлер штабына дебют жасауға және алаңда өзімді көрсетуге мүмкіндік бергені үшін алғыс айтамын.

– Негізгі құраммен қашаннан бері жаттығып жүрсің?

– Негізгі құраммен шамамен бір апта жаттығып жүрмін. Бұны зор тәжірибе мен өзімді дамыту деп білемін. 

– Біздің жанкүйерлер сен туралы көп біле бермейді. Маған өзің жайлы қысқаша айтып бере аласың ба?

– Мен 18 жастамын. «Қайрат» Академиясына 2016 жылы түстім. Мен сол қапталдағы шабуылшы ретінде ойнаймын, ортада да, оң қапталда да ойнай аламын.

– Болашақта алдыңа қандай мақсат қоясың?

– Әрине, менің мақсатым – негізгі құрамда орын алып, алаңға жиі шығып, гол соғу.