Түркия ОЖЖ-дағы төртінші кездесуде алматылық «Қайрат» Латвияның үш дүркін чемпионы «Рига» клубымен тең түсті.
Белек қаласындағы Regnum Carya спорт кешенінде өткен матч 0:0 есебімен аяқталды. Алматылық клуб сапында Виктор Васин «сары-қаралар» үшін дебюттік кездесуін өткізді.
«Қайрат» ФК-ның матчқа арналған бастапқы құрамы:
Даниил Устименко, Сұлтанбек Астанов, Арсен Буранчиев, Виктор Васин, Дамир Касабулат, Рикарду Алвеш, Яцек Гуральский, Данияр Үсенов, Жоао Пауло, Еркебұлан Сейдахмет, Хосе Канте
Түркияда өтіп жатқан ОЖЖ-да «Қайрат» келесі кездесуін 25 ақпан күні болады. «Сары-қаралардың» келесі қарсыласы Ресей ҰФЛ-ның көшбасшысы - «Оренбург» футбол клубы.
