«Қайрат» футбол клубы Беларусь құрамасының қорғаушысы Сергей Политевичпен келісімшартқа отырды.

Сергей белорусьтік футбол мектебінің түлегі саналады. 8 жасынан бері Лида қаласының футбол мектебінде тәлім алған. Оның жоғары лигадағы алғашқы кәсіпқой клубы белорусьтік Новополоцк қаласының «Нафтан» клубы болды.

2008 жылдың қаңтарында қорғаушы ресейлік «Крылья Советов» клубының ойыншысы атанды. Сол жылдың тамызында 17 жасында ол Ресей кубогында негізгі команда сапында дебютін өткізді. Артынша, 2011 жылы, Сергей минскілік «Динамоға» ауысып, клубпен бірге УЕФА Еуропа лигасының топтық кезеңінде 11 матч (2014/15 және 2015/16 жылғы маусымдар) өткізді. «Динамо» сапында жалпы алғанда 173 матчқа қатысып, 11 гол соққан.

Қорғаушының соңғы клубы түркиялық «Генчербирлиги» болды. Сонымен қатар, Сергей Беларусь ұлттық құрамасының негізгі ойыншысы саналады. Оның құрамында 2014 жылы дебютін өткізіп, 20 матчқа қатысты.

Туған күні: 9 сәуір 1990 ж. 

Бойы: 190 см 

Салмағы: 84 кг 

Позициясы: қорғаушы

Азаматтығы: Беларусь 

Алматылық «Қайратпен» келісімшарт 3,5 жылға жасалды.

«Қайрат» отбасына қош келдің!