Алматылық «Қайрат» Өзбекстанның 15 дүркін чемпионы «Пахтакормен» жолдастық матчтар сериясын өткізу туралы уағдаластыққа қол жеткізді.

Қағидатты қарсыластар арасындағы алғашқы жолдастық ойын 2023 жылдың 25 ақпанына жоспарланған және ол Ташкенттегі Орталық стадионда өтеді.

Осы жазда командалар Алматы қаласының Орталық стадионында өзара спарринг өткізеді деп күтілуде. Бұл матчтың күні «Пахтакормен» алдағы маусымдағы ресми матч күнтізбелері бекітілгеннен кейін келісіледі.