Алматылық «Қайрат А» командасының оң қапталдағы жартылай қорғаушысы Арман Нүсіп Кәсіпқой футбол лигасының нұсқасы бойынша Қазақстан Бірінші лигасы 30-турының символикалық құрамына енді.
Оң қанаттағы жартылай қорғаушы: Арман Нүсіп, «Қайрат А»
Нүсіп бұл ойында өз еншісіне нәтижелі пас не гол жаза алмады, бірақ Қызылордада алаңдағы үздіктердің бірі болды. Арман төрт мәрте дриблингті сәтті пайдаланып, оған қарсы үш рет ойын тәртібі бұзылды. 9 рет допқа бірінші жетті, 8 мәрте қарсыластың пасын қағып түсті. Сондай-ақ, екі мәрте шешуші пас шығарып, әріптестерімен өзара түсінікті жұмыс істеді – пастардың дәлдігі 74%. Әрекеттер индексі – 235.
