«Қайрат» ФК бас бапкері Кирилл Кекер Қазақстан Кубогы топтық кезеңінің 4-туры аясында өткен «Ақсуға» (1:1) қарсы матч туралы пікірін айтты.
- Өте қызық жағдай болды. Бір айда «Ақсумен» 3 мәрте ойнадық. Біз қазіргі таңда клубтың даму бағдары бойынша жұмыс істеп жатырмыз. Байқасаңыздар, бүгін алаңда Вадим Ульяновтан өзгелерінің бәрі біздің клубтың шәкірттері мен қазақстандық футболшылар.
Алаңға бірінші минуттан шыққан команданың орташа жасы 20-21-ді құрайды. Біз жас ойыншыларды дамытуды жалғастырып, оларға ойын уақытын беріп жатырмыз.
Ойынға келер болсақ, қызық матч болды. Екі команданың да гол соғатын мүмкіндіктері көп кездесті. Бұл матчта жеңіске жете алмағанымыз өте өкінішті.
