«Қайраттың» бас бапкері Кирилл Кекер клубтың баспасөз қызметіне берген сұхбатында Қазақстан OLIMPBET-Чемпионатының 8-туры аясында «Тобылға» қарсы өткен ойынға (3:2) қатысты пікір білдірді:
– Ойыншыларды жеңісімен құттықтаймын! Олар – алаңға шығып, бапкерлер штабының идеяларын жүзеге асыратын басты адамдар. Бұл олардың жеңісі! Команданың мінезі, дамуға, алға жылжуға деген ұмтылысы бар! Бұл өте маңызды дүние. Тағы да бір қойылым қойдық десек болады. Біздің команданың ойындарын көрген қызық. Стадионға келген жанкүйерлер осындай ойындарды көріп, керемет әсер алып қайтады.
Команда атынан барлық жанкүйерлерді келесі ойынымызға шақырамын. 14 мамырда «Орталық» стадионда «Ақтөбеге» қарсы ойнаймыз. Сіздердің ойыншыларды жігерлендіретін қолдауларыңыз қажет! Біз сіздерді күтеміз!
