«Қайрат» футбол клубы әйгілі испаниялық спорттық киім өндіруші Joma компаниясымен келісім-шартқа отырғанын хабарлайды.
Келесі жылдан бастап негізгі құрам, сондай-ақ Бірінші лига командасы «Қайрат-Жастар», Академияның барлық жастағы командалары мен әйелдер командасы Joma ойын және жаттығу киім жинақтамаларымен жабдықталады.
Бүгінгі таңда Joma – спорт нарығындағы әлемдегі үздік он брендтің бірі және сатылым көлемі жағынан ең табысты испандық спорт бренді болып табылады. Әлемдік футболда компания «Вильярреал» (Испания), «Хетафе» (Испания), «Аталанта» (Италия), «Торино» (Италия), «Хоффенхайм» (Германия), «Норвич Сити» (Англия), «Андерлехт» (Бельгия) және тағы басқа клубтарға, сондай-ақ бірқатар ұлттық құрамаларға демеушілік жасайды.
