Қазақстан кәсіпқой футбол лигасы Премьер-лиганың 31-турын қорытындылап, символикалық құрамды жариялады.
InStat сараптамалық компаниясының нұсқасы бойынша, турдағы ең пайдалы ойыншылар тізіміне «Қайраттың» капитаны Бауыржан Исламхан енді.
«Қайраттың» капитаны Астанадағы ойында өз командасының сапында үздіктердің бірі болды. Исламхан берген пастардың 9%-ы ғана нысанаға жеткен жоқ, сонымен қатар, 4 мәрте дриблингті сәтті қолданды, 6 рет допты қарсыластан алып кетті. Сондай-ақ, нәтижелі паспен көзге түсті. Әрекеттер индексі – 263.
