Т. C. Сегізбаев атындағы Академияда Қазақстан футбол федерациясының 30 жылдығына арналған клуб жаттықтырушылары мен қызметкерлеріне салтанатты марапаттау рәсімі өтті
Іс-шараның басында «Қайрат» бас директоры Асқар Есімов барлығын Жаңа жылмен құттықтап, жаттықтырушыларға, қызметкерлерге клубқа адалдығы үшін алғыс айтып, алдағы футбол маусымына міндеттер қойды. Сондай-ақ, Қазақстан футболының және біздің клубтың еңбек сіңірген ардагері Сейілда Икрамұлы Байшақов сөз сөйледі.
Осыдан кейін Асқар Есімов пен Сейілда Байшақов Академия жаттықтырушыларына, сондай-ақ клубтың құрметті қызметкерлеріне отандық футболдың дамуына қосқан үлесі үшін марапат белгілері мен грамоталарын табыс етті.
