ҚР Суперкубогының матчы алдында «Қайрат» ФК ресми дүкенінде Александр Соколенконың қатысуымен акция өтті.
Негізгі құрам футболшысы фаншопқа келгендерге клуб атрибутикасын сатып алуға, жейделерге есімдері мен нөмірлерін жаздыруға көмектесіп, қолтаңба берді, сондай-ақ, Халық командасының жанкүйерлерімен естелікке суретке түсті.
Дүкен қонақтары «сары-қаралардың» ойыншысымен қуана сөйлесіп, оған және бүкіл командаға Суперкубок матчында сәттілік тіледі!
«Қайрат» ФК-ның қайталанбас атрибутикасы мен клубтық киімдері сіздерді ресми дүкенде күтеді, мекен-жайы Абай даңғылы 48, Орталық стадионның алдында орналасқан. Дүкеннің жұмыс режимі: 10:00-ден 20:00-ге дейін.
