«Қайраттың» ресми дүкенінде жаңартылған экипировкалар таныстырылады.
8 наурызда 12:00-де «Қайрат» ФК ресми дүкенінде 2018 жылғы маусымдағы жаңартылған спорт экипировкасының сатылымы басталады. Өзіңізге қажетті тауарды сатып алу үшін «Қайрат» негізгі командасының ойыншылары көмектеседі. Олар алдағы шараға арнайы шақырылған.
Халықаралық әйелдер күніне орай біздің дүкенімізде бірегей акция жүреді: өткен маусымның ойын формасын сатып алсаңыз, сүйіктіңізге екінші жейде сыйлыққа беріледі.
«Қайрат» ФК ресми дүкені Орталық стадионның алдында Абай даңғылы, 48 мекен-жайында орналасқан. Дүкеннің жұмыс уақыты: 10:00-ден 20:00-ге дейін.
