Алматылық «Қайрат А» шабуылшысы Артур Шушеначев баспасөз-қызметіне берген сұқбатында жеңіске қалай жеткендерін айтып, команданың он футболшымен ойыны жайында пікірін білдірді.

- Артур, біріншіден, жеңіспен құттықтаймыз! Матч тартысты болды, ойын нәтижесі туралы не айта аласың?

- Құттықтауыңызға рақмет. Бұл ойын біз үшін өте маңызды болды, сондықтан біз осы матчты өзіміздің пайдамызға аяқтау үшін бар күшімізді салдық. Мүмкін соның арқасында біз кездесу тағдырын шеше алған шығармыз.

- Аз ойыншымен қалсақ та, жеңіске жеттік. Бір ойыншыға аз болғанымызға қарамастан, жеңіске жетуге деген жігер бірінші орынға шықты ма?

- Әрине, он адаммен ойнау бүкіл командамен ойнағанға қарағанда әлдеқайда қиын. Бірақ бізде басты мақсат болды – жеңіске жетіп, 3 ұпай алу. Осыны ойлап, біз 100 пайыз барымызды салдық. Менің ойымша, біз жақсы ойын көрсеттік. Бізді қолдауға келгендердің барлығына рақмет.