Еуропа лигасының іріктеу кезеңіндегі матчы алдында «Қайраттың» ресми дүкенінде негізгі команда футболшыларының қатысуымен акция өтті. Шараның басты қаһармандары алматылық клубтың қорғаушысы Сергей Политевич пен шабуылшы Адеринсола Эсеола болды.

Футболшылар тауарды таңдауға, аты-жөніңізді жаздыруға, сатылымды рәсімдеуге көмектесіп, клуб жанкүйерлері үшін қолтаңба және фотосессия өткізіп, халық командасының жанкүйерлерімен естелікке суретке түсті.

Дүкенге келушілер сүйікті командасының ойыншыларын көріп, «қайраттықтардың» қолынан жаңа атрибутикалар алды.

«Сары-қаралардың» ресми тауарлары сіздерді клубтың ресми дүкенінде күтеді. Мекен-жайы: Абай даңғылы 48, Орталық стадионның алды. Дүкеннің жұмыс уақыты: 10:00-ден 20:00-ге дейін.