Қазақстан құрамасы Еуропа-2020 чемпионатының біліктілігі аясында сырт алаңда Сан-Марино құрамасын жеңді. Құраманың бастапқы құрамында қайраттың үш ойыншысы – Ғафуржан Сүйімбаев, Исламбек Қуат және Бауыржан Исламхан шықты.
Бірінші минуттан бастап Қазақстан Симоне Бенедеттинидің иелігіне шабуыл жасай бастады. 6-шы минутта Ян Вороговскийдің керемет пасынан кейін Бақтиер Зайнутдинов есеп ашты. ⠀
23-ші минутта Ғафуржан Сүйімбаев тиімді позицияда болып, мықты соққымен есепті екі еселеді. Төрт минуттан кейін Исламхан қапталдан жақсы кросс жасап, оған Алексей Щеткин бірден жауап берді. Біздің шабуылшының мықты соққысынан кейін Бенедеттиниге допты үшінші рет тордан алуға тура келді.
77-ші минутта алаң иелері айырмашылықты қысқартты. Сан-Марино құрамасының шабуылшысы Филиппо Берарди біздің құраманың қорғаушылары мен қақпашысынан қашып, допты бос қақпаға соқты.
Матч Қазақстан құрамасының жеңісімен аяқталды-1:3. 19 қараша күні ЕЧ біліктілігінің қорытынды матчында құрама Глазгода Шотландия құрамасына қарсы ойын өткізеді.
