Әлеуметтік жауапкершілік бағдарламасы бойынша, «Қайрат» балаларға арналған мамандандырылған үйге қонаққа барды. «Қайрат» Академиясының тәрбиеленушілері балаларға шеберлік сағатын өткізіп, интерактивті ойындар арқылы футболдағы алғашқы қадамға үйретті.

Айта кетерлік жайт, балалар жас «қайраттықтардың» футболдағы өмірі жайында және футбол мансабын бастау туралы сұрақтар қойды. «Сұрақ-жауап» айдарынан кейін балалар мен тәрбиеленушілер жолдастық матч өткізіп, шара соңында клубтық сыйлықтар табыс етілді.