Шымкентте оқу-жаттығу жиынын өткізіп жатқан «Қайрат-Жастар» кезекті жоладстық матч өткізді. «Ордабасы Ж» командасына қарсы матч тең аяқталды – 1:1.

Көп күрес, жылдамдық, қызықты шабуылдар болған матчты алматылықтар белсендірек бастады. Үзіліске дейін Артур Шушеначев пен Марлен Айманов гол соғатын мүмкіндікке ие болды. «Ордабасы Ж» да бірнеше қауіпті шабуыл ұйымдастырды.

Үзілістен кейін командалар бір голмен алмасып шықты. Алаң иелері сапында Аслудин Хаджиев көзге түсті. Ал «сары-қаралар» бірнеше минуттан соң есепті теңестіріп тастады. Александр Арефьев шәкірттерінің жылдам шабуылын «Ордабасы Ж» футболшылары ойын тәртібін бұзу арқылы тоқтатқан – пенальти. Нүктеге Марлен Айманов келіп, дәл соққы жасады.

Матчтың алпысыншы минуттарында «Қайрат-Жастар» бапкері бірнеше ойыншыны алмастырып, алаңға тың футболшыларды шығарды. Алайда соңғы ысқырыққа дейін есеп өзгерген жоқ.