Алматы престижді футбол лигасы «Қайрат» футбол клубы және «Sulpak» компаниясымен бірге Қазақ мемлекеттік циркінде Алматы ПФЛ Күзгі Чемпионаты мен «Junior» ПФЛ жеңімпаздары және қатысушыларын салтанатты марапаттау рәсімін ұйымдастырды.
Қонақтар алдында ұйымдастырушылар мен Алматы ПФЛ әріптестерінің атынан жүлделер табыс етілді, кештің басты қонақтары «Қайрат» футболшылары Айбол Әбікен, Ұлан Өтешев, Айбар Нұрдалиев, Мәди Айтөре болды. Сондай-ақ, қонақтар алдында Алматы қаласының Цирк қызметкерлері шоу-бағдарлама өткізді.
