Бүгін Қазақстанда орны толмас қаза болды - Сочидегі Олимпиада ойындарының қола жүлдегері, мәнерлеп сырғанаушы, есімі үлкен әріппен жазылатын Денис Тен 25 жасында дүниеден озды.

«Қайрат» футбол клубы Денистің отбасы мен жақындарының қайғысына ортақ. Бүгінгі жеңіс талмай жасаған еңбегі мен жарқын жеңістерінің арқасында Қазақ елін күллі әлемге танытқан Денис Теннің құрметіне арналады.

Талантты Денистің жақындары, достары мен жанкүйерлерімен бірге аза тұтамыз.