«Қайрат А» командасының орталық қорғаушысы Әлібек Қасым Қазақстан Бірінші лигасының үздік ойыншылары тізіміне енді.

Instat сараптамалық компаниясы статистикалық мәліметтер негізімен әр турдан соң үздік ойыншылар тізімін жасады. Ең пайдалы ойыншылар тізіміне жиі кіргенінің арқасында алматылық «Қайрат А» қорғаушысы символикалық құрамға енді.

«Қайраттың» 20 жасар қорғаушысы алғашқы пас, ойынды оқу, позицияны таңдау, бірге-бір кезінде допты тартып алу секілді машықтарға ие, «екінші қабатта» да қарсыластан биік секіреді. Пастарының дәлдігі – 84%, сәтті жекпе-жектер – 74%, әуедегі күрестің 71%-ын жеңіп алды. Әр матчтан сайын орта есеппен 9,2 рет допқа бірінші жетіп, 1,5 мәрте тартып алады. Әрекеттерінің орташа индексі – 205. Символикалық құрамға 6 рет енді.