Бүгін, 11 қараша күні Алматыда Магомед Адиевтің жетекшілігімен Қазақстан құрамасының оқу-жаттығу жиыны басталады.

Бұл оқу-жаттығу жиынына «Қайраттың» үш ойыншысы шақырылды - Сұлтанбек Астанов, Данил Устименко және Артур Шушеначев.

Естеріңізге салайық, 16 қарашада Қазақстан құрамасы Ташкент қаласында Өзбекстан құрамасымен кездеседі. Матч Астана уақытымен 19:00-де басталады.

Ал 19 қараша күні біздің құрамамыз Абу-Дабиде Біріккен Араб Әмірліктерімен жолдастық кездесу өткізеді. Ойын Астана уақытымен 21:30-да басталады.